طريقة عمل شوربة العدس

شوربة العدس المتينة 💪💪 هتدفينا بدل ما الواحد عامل زى القنفد فى الشقة 😂😂 على رأى المثل سبع بطاطين و دفاية و البرد واصل لقفاية 😄😂😂. ..

المقادير بقى :

كوباية و نص من العدس الأصفر مغسولة كويس و متصفى. ..

.بطاطساية متوسطة متقطعة مكعبات ...

2 طماطم متقطعة مكعبات. ..

بصلاية كبيرة متقطعة مكعبات ...

جزرتين متوسطين الحجم متقشرين و متقطعين مكعبات..

3 فصوص ثوم صحاح كبار. ..

معلقة ملح و معلقة فلفل و معلقة كمون و معلقة كركوم. .

نص كباية من الشعرية ....

معلقة كبيرة زبدة ....

كريمة طبخ 200 ملى. ...

شوربة اى حاجة .. لحمة أو فراخ أو بط ....

بس خلاص ...

الخطوات

حطي البطاطس و البصل و الجزر و الثوم و الطماطم فى حلة على النار و عليها العدس ...

و عليهم الشوربة ... لو معندكيش شوربة حطى مية و معاها مكعب مرقة. .. و قلبيهم فى بعض كويس ...

حطى ملح و فلفل و كمون و خلى بالك لو حطيتى شوربة مملحة اصلا فمتزوديش اوى فى الملح ... و معلقة صغيرة من الكركوم. .

سبيهم يغلوا على النار بتاع تلت ساعة أو يمكن اكتر لغاية ما الخضار كلة يستوى .. لو شربت كل الشوربة و لسة الخضار مستواش عادى جدااا زودى مية أو شوربة ....

بعد ما كل الخضار استوى سبية يهدى بس شوية و بعد كدة اضربية فى الخلاط أو بالهاند بليندر لو عندك 👍

دة شكلها بعد ما اضربت كلها حطيها فى حلة و رجعيها تانى على النار تاخد غلوة واحدة...و لو حستي أن سمكها تقيل زودى شوية شوربة علشان تخف شوية على مزاجك. ..

حضرى فى طاسة معلقة زبدة كبيرة و حمرى الشعرية ...

و حطى الشعرية على الشوربة بتاعت العدس و سبيهم يخدوا غلوة مع بعض علشان الشعرية تستوى. ...

و بعد ما الشعرية استوت جوة الشوربة آخر حاجة ضيفى كريمة الطبخ و قلبيها كويس و خلاص اطفى عليها. ...

دة شكلها بعد ما اتقلبت من الكريمة سمكها يجنن و ريحتها تحفة و الكريمة بتخليها أغنى و اطعم و لونها كمان بيبقى أحلى 😍😍

حطيها فى طبق التقديم و حطيت عليها من فوق معلقة من الزبادى مضاف علية ملح و فلفل و كمون .. و رشيت من فوق شوية

بابريكا و ورق ريحان 😍😍😍 و طبعا جمبها بصل أخضر بقى و عيش متقطع و متحمص فى الفرن 😍😍👍👍

الوصفة مقدمة من موقع Easy dinner recipes

طريقة عمل شوربة العدس

التعليقات

أجدد المواضيع

رائج هذا الاسبوع

الاكثر قراءة